بالی وڈ فلم انڈسٹری کے اداکار انیل کپور اور سنیتا کپور کی صاحبزادی و اداکارہ سونم کپورنے جوانی میں ’PCOS’ پولی سسٹک اووری سنڈروم کا شکار ہونے کا تہلکہ خیز انکشاف کردیا۔

بلاشبہ سونم کپور اپنے منفرد فیشن اور اسٹائل کی وجہ سے ایک فیشن آئیکون کے طور پر شمار کیا جاتی ہیں لیکن کیا آپ جانتےہیں کہ وہ ہمیشہ سے اپنی ظاہری شخصیت کے بارے میں پُراعتماد نہیں تھیں؟

جی ہاں اداکارہ کے مطابق بچپن میں انہیں چہرے کے بالوں کی وجہ سے نازیبا اور سخت تبصروں کا سامنا کرنا پڑا۔

حال ہی میں سونم نے ایک انٹرویو میں گفتگو کے دوران اپنی زندگی کے ان لمحات کو یاد کیا جب انہوں نے اپنی PCOS سے متعلق جدوجہد کا سامنا کرنا پڑا۔

اداکارہ کے مطابق،’میں بچپن میں پولی سسٹک اووری سنڈروم (PCOS) کا تھی اور اس کی وجہ سے مجھے ہارمونی مسائل کا سامنا کرنا پڑا۔’

سونم کپور نے بتایا کہ،’ 16 سال کی عمر میں میرا وزن بڑھنے لگا، اور یہ وہ عمر ہوتی ہے جب آپ کو سب سے زیادہ خوبصورت سمجھا جاتا ہے۔ لیکن اس دوران میرے چہرے پر بال آ گئے اور میں دانوں سے بھر گئی تھی۔’

اداکارہ کا کہنا تھا کہ،’یہی وہ وقت تھا جب لوگ میرے بارے میں نازیبا تبصرے کرتے تھے اور لوگ مجھے ’انیل کپور کی بیٹی’ کہہ کر میرا مذاق اڑاتے تھے۔

سونم نے مزید بتایا کہ پھر ان کی والدہ نے انہیں کاجول کی تصویر دکھائی، جنہوں نے اپنے ’یونیبرو’ کو کبھی صاف نہیں کیا اور اس وقت کی سب سے بڑی اداکارہ تھیں۔ یہ بات سونم کے لیے متاثر کن ثابت ہوئی اور ان میں اعتماد پیدا ہوا۔