وفاقی وزارت خزانہ نےیکم جولائی سے شروع ہونے والے آئندہ مالی دوہزار پچیس،چھبیس کا وفاقی بجٹ جون کے پہلے ہفتے میں پیش کرنے کی تجویز تیار کرلی-

وفاقی اورصوبوں کے ترقیاتی بجٹ /اقتصادی اہداف منظوری کیلئےقومی اقتصادی کونسل اجلاس مئی کے دوسرے ہفتے نئےمالی سال کیلئے تمام بجٹ دستاویزات کومئی کےآخر تک حتمی شکل دینےکی تجویز سامنے آئی ہے۔

وفاقی وزارت خزانہ نےآئندہ مالی سال2025،26کے وفاقی بجٹ کا شیڈول تیار کرلیا-

نئےمالی سال کا وفاقی بجٹ جون کے پہلے ہفتے میں وفاقی کابینہ سے منظور کرا کے پارلیمنٹ میں پیش کرنےکی تجویز ہے-

شیڈول کےمطابق تمام بجٹ دستاویزات کومئی کے آخر تک حتمی شکل دینےکی تجویز دی گئی ہے

لاہور ۔والدین نے غیرت کے نام پر اپنی ہی بیٹی پر گولیاں برسا دیں، جس سے زخمی ہونے والی 20 سالہ شمائلہ کو اسپتال منتقل کردیا گیا۔

صوبائی دارالحکومت کے علاقے ہنجروال میں غیرت کے نام پر بیٹی کو قتل کرنے کی کوشش کا واقعہ پیش آیا، جس میں شدید زخمی حالت میں 20 سالہ شمائلہ کو طبی امداد کے لیے اسپتال منتقل کر دیا گیا ہے۔

پولیس کے مطابق شمائلہ کو اس کے والد فیاض، والد ہ مسرت بی بی اور 2چچاؤں نے منصوبہ بندی کے ساتھ گولیاں مار کر شدید زخمی کیا۔ واقعے کا مقدمہ تھانہ ہنجروال کے سب انسپکٹر انتظار حسین کی مدعیت میں درج کیا گیا ہے۔

ایس ایچ او کے مطابق والد،والدہ اور دونوں چچاؤں کو پولیس نے گرفتار کر لیا ہے اور ملزمان سے پستول بھی برآمد کر لیا گیا ہے۔ ملزمان نے پسند کی شادی کرنے پر شمائلہ کو قتل کرنے کی کوشش کی، جن سے مزید تفتیش کی جا رہی ہے۔

ایلون مسک کے اسٹارلنک کو ٹکر دینے کیلیے چین بھی میدان میں آگیا، خلا سے انٹرنیٹ فراہم کرنے کیلیے چینی کمپنی نے بھی پاکستان میں رجسٹریشن کروالی۔

ذرائع کے مطابق چین کی شنگھائی اسپیس کام سیٹلائت ٹیکنالوجی لمٹیڈ نامی کمپنی نے سیکیورٹیز اینڈ ایکسچینج کمیشن آف پاکستان (ایس ای سی پی) میں رجسٹریشن کروالی ہے۔
چینی کمپنی ایس ایس ایس ٹی کمپنی ایلن مسک کے اسٹار لنک سے بھی تیز اور سستا انٹرنیٹ فراہم کرنے کا ارادہ رکھتی ہے۔

ایس ایس ایس ٹی نامی کمپنی سال 2025 میں 648 سیٹلائٹ زمین کے مدار میں بھیجنے کا ہدف رکھتی ہے۔

کمپنی کا کہنا ہے کہ سال 2027 تک دنیا بھر کو انٹرنیت فراہم کرنے کے قابل ہوجائیں گے۔چینی کمپنی 2030 تک زمین کے مدار میں 30 ہزار سیٹلائٹ پہنچانے کا منصوبہ رکھتی ہے۔

واضح رہے ایلون مسک کی کمپنی سٹارلنک کا بھی یہی ہدف ہے۔ زمین کے مدار سے انٹرنیٹ فراہم کرنے والی دونوں کمپنیوں کو پی ٹی اے کی جانب سے لائسنس کا انتظارہے۔

قومی ائیر لائن پی آئی اے کی یورپ کے لئے پروازیں 4 سال بعد بحال ہو گئیں۔

ترجمان پی آئی اے کے مطابق پہلی پرواز آج اسلام آباد سے پیرس کے لئے روانہ ہو گی، مسافر ناشتہ پاکستان اور دوپہر کا کھانا پیرس میں کھائیں گے۔

بوئنگ ٹرپل سیون طیارہ اسلام آباد ائیرپورٹ پرپہنچ چکا ہے ، پرواز پی کے 749 آج دن بارہ بجے اسلام آباد سے پیرس کے لیے روانہ ہوگی۔

ہفتہ وار 2 پروازیں آپریٹ کی جائیں گی جن کو بتدریج بڑھایا جائے گا،پاکستان ائیر لائن کی پروازیں جمعہ اور اتوار کو آپریٹ کی جائیں گی۔

امریکہ کے نومنتخب صدر ڈونلڈ ٹرمپ کو آج عدالت سے سزا سنائی جانے کا امکان ہے۔ امریکی سپریم کورٹ نے کارروائی معطل کرنے کی ٹرمپ کی درخواست کو چار کے مقابلے میں پانچ ووٹوں سے مسترد کردیا۔

عدالت نے کاروبار میں جعلسازی کے کیس میں ڈونلڈ ٹرمپ کو مجرم قرار دینے کی تیاری کر لی ہے۔

عدالتی کارروائی کے نتیجے میں ٹرمپ امریکہ کی صدارت سنبھالنے والے پہلے مجرم صدر بن سکتے ہیں۔ تاہم، اس عدالتی کارروائی میں ٹرمپ کی عدالت میں موجودگی لازمی قرار نہیں دی گئی۔

یاد رہے کہ ڈونلڈ ٹرمپ 20 جنوری کو دوسری مدت کے لیے امریکی صدر کا حلف اٹھانے والے ہیں، اور یہ صورتحال ان کی صدارت کے لیے سنگین اثرات مرتب کر سکتی ہے۔

دستک ایپ پروگرام گورنمنٹ آف پنجاب کا ایک بہت شاندار پروگرام ہے جس کا مقصد شہریوں کو گھر بیٹھے بنیادی سروسز مہیا کرنا ہے تاکہ وہ دفاتر چکروں سے بچ سکیں اور اپنا قیمتی وقت بچا سکیں اب آپ گھر بیٹھے 40 سے زائد سروسز حاصل کرسکتے ہیں۔اور وہ بھی سرکاری فیس میں۔ دستک سروسز میں شامل ہیں

ڈومیسائل
۔برتھ سرٹیفیکیٹ
۔ڈیتھ سرٹیفیکیٹ
۔ نکاح سرٹیفیکیٹ
۔طلاق سرٹیفیکیٹ
۔ پولیس کیریکٹر سرٹیفیکیٹ
۔جنرل پولیس ویری فیکیشن
۔ہر قسم کے ڈرائیونگ لائسنس ری نیو
۔ موٹر سائیکل/گاڑی ٹرانسفر
۔ نیو موٹر سائیکل گاڑی رجسٹریشن
۔ ای سٹام ۔کرایہ دار کی رجسٹریشن
۔ٹوکن ٹیکس۔پراپرٹی ٹیکس
۔ گمشدگی رپورٹ۔ لاس رپورٹ
۔ ایف آئی آر کی کاپی وغیرہ اس کے علاؤہ بھی کافی سروسز ایڈ ہو رہی ہیں اس ایپ میں۔

طریقہ۔ سب سے پہلے پلے سٹور سے dastak door step نامی ایپ ڈاؤن لوڈ کریں
ایپ میں اپنی معلومات دے کر رجسٹر کریں
پھر جو سروس آپ کو چاہیے اس کی ریکیوسٹ سبمٹ کروائیں۔

اس کے بعد دستک نمائندہ خود آپ سے رابطہ کرے گا اور آپ کو متعلقہ سروس کے لیے ضروری کاغذات کا بتائے گا اور آپ کے پاس پہنچنے کا وقت بھی بتائے گا ۔اپ کے پاس پہنچ کر ضروری کارروائی مکمل کرے گا اور فیس آپ خود اپنے موبائل اکاؤنٹ سے ادا کریں گے جس کے بعد متعلقہ محکمے سے ڈاکومنٹس تیار کرواکر آپ کو متعین وقت میں ڈلیور کرنا دستک نمائندہ کی زمہ داری ہوگی۔

سرگودھا میں عدالت سے واپسی پر مخالفین پر فائرنگ کا واقعہ پیش آیا ہے، جس کے نتیجے میں چار افراد جاں بحق اور پانچ زخمی ہوگئے۔

خوشاب روڈ پر سبھروال کے قریب کار پر فائرنگ ہوئی، 54 چک شمالی کے رہائشی عدالت سے جا رہے تھے کہ واپسی پر مخالفین نے فائرنگ کرکے 4 افراد کو قتل ک ردیا۔

عینی شاہدین نے بتایا کہ ملزمان کار پر پانچ منٹ تک فائرنگ کرتے رہے۔

ریسکیو حکام کے مطابق فائرنگ سے زخمی ہونے والے 5 افراد راہ گیر ہیں، مقتولین کی شناخت کا عمل جاری ہے

بالی ووڈ کی معروف اداکارہ سشمیتا سین نے اپنے مداحوں کو مس یونیورس کی حیثیت حاصل کرنے کے بعد معروف کولڈ ڈرنک برینڈ ’پیپسی‘ سے لیے جانے والے بدلے کے بارے میں اہم انکشاف کیا۔

سشمیتا کی ایک انسٹاگرام ریل ان کے ریونج گیم کی بدولت مداحوں کی توجہ حاصل کر لی ہے اور دیکھتے ہی دیکھتے انسٹاگرام پر تیزی سے وائرل ہورہی ہے۔

ویڈیومیں ششمیتا نے مداحوں کو خود اعتمادی کے حوالے سے متحرک کرنے کی بھی کوشش کی ہے۔ ویڈیو میں انہیں یہ کہتے ہوئے سنا جاسکتا ہےجب میں نے ماڈلنگ کا آغاز کیا تو پیپسی نے مجھے ممبئی بلایا۔ میں نے بہترین آڈیشن دیا، لیکن مجھے ان کی طرف سے ری جیکٹ کر دیا گیا۔ یہ بات میرے دل میں رہ گئی۔

اداکارہ نے اپنے مداحوں کو یہ بھی بتایا کہ جب وہ مس یونیورس کا ٹائٹل جیت کر واپس آئیں تو پیپسی نے انہیں اپنے برینڈ فیس کے طور پر منتخب کرنا چاہا، لیکن انہوں نے ان کی بجائے ان کی مخلف کمپنی کوکا کولا کے ساتھ کام کرنے کا فیصلہ کیا

سشمیتا نے وضاحت کی کہ ”یہ بدلے کا اقدام نہیں تھا۔ جب آپ کو مسترد کیا جاتا ہے، تو آپ میں احساس کمتری پیدا ہوتا ہے، لیکن میں نے اس موقع پر ثابت کیا کہ پیپسی نے مجھے نہیں، بلکہ میں نے انہیں ری جیکٹ کیا۔“

واضح رہے کہ اداکارہ سشمیتا سین نے سال 1994 میں ’مس انڈیا‘ کا ٹائٹل اپنے نام کیا تھا جس کے بعد اسی سال وہ امریکا میں منعقد مقابلہ حسن میں ’حسینہ عالم‘ یعنی مس یونیورس کا تاج بھی اپنے سر پر سجانے میں کامیاب ہوئی تھیں۔

سوشل میڈیا پر وائرل ہونے والے نغمے ’’کرما گیڈن‘‘ کی گلوکارہ اور نغمہ نگار، آیاح مے نے انسٹاگرام پر انکشاف کیا کہ جب انہوں نے اس گانے کے الفاظ اور سطریں تبدیل کرنے سے انکار کیا، تو ان کے منیجر نے ان کا معاہدہ منسوخ کر دیا۔

آیاح مے نے اپنے نغمے میں تین اہم موضوعات پر روشنی ڈالی ہے: ’’بگ فارما‘‘ (بڑی دوا ساز کمپنیوں کی سازشیں)، ’’انسانوں کا بنایا ہوا وائرس‘‘ (جو کورونا وائرس کی طرف اشارہ کرتا ہے)، اور ’’کینسل کلچر‘‘ (سوشل میڈیا پر بائیکاٹ کا بڑھتا ہوا رجحان)، ساتھ ہی ’’جنگوں‘‘ کو ’’نسل کشی‘‘ کے طور پر پیش کیا ہے۔

انہوں نے کہا کہ اس نغمے کے ذریعے انہوں نے ان مسائل کو اجاگر کیا ہے جو دنیا بھر میں انسانوں کی تخلیق کردہ ہیں، خاص طور پر اسرائیل اور غزہ میں جاری نسل کشی کی جنگ کو۔

معاہدے کی منسوخی کے بعد آیاح مے نے اس گانے کو خود ریلیز کرنے کا فیصلہ کیا، جو کہ تیزی سے وائرل ہوا اور عالمی سطح پر اس کی پذیرائی کی گئی۔ انسٹاگرام پر اپنے پیغام میں انہوں نے لکھا: ’میری حمایت کرنے والوں کا شکریہ، بہت سے لوگوں نے اس گانے کو روکنے کی کوشش کی، یہ کیسی دنیا ہے جہاں سچ بولنے والوں کو تنہا کر دیا جاتا ہے، دنیا بے حس ہو چکی ہے۔‘

آیاح مے کا اصل نام مارگریٹ کلارک ہے اور وہ کیرنس، کوئنز لینڈ سے تعلق رکھتی ہیں۔ ان کا بچپن آسٹریلیا کے بارانی جنگلات کے کنارے واقع ایک چھوٹے سے گاؤں میں اپنی ماں اور بڑی بہن کے ساتھ گزرا۔ وہ سائنس کی طالبہ ہیں اور نیو یارک میں ایچ آئی وی پر تحقیق کر رہی ہیں، تاہم ان کے ساتھ ساتھ ان کا موسیقی کے میدان میں بھی ایک کریئر ہے۔

آیاح مے کا کہنا ہے کہ ’ایک منقسم دنیا اور فریبی کمپنیوں کے بارے میں بڑھتی ہوئی مایوسی نے مجھے ’کرما گیڈن‘ لکھنے کی ترغیب دی۔ ایک ڈاکٹر کے طور پر میرے کریئر کی مشکلات نے مجھے ذاتی طور پر تنہا محسوس کرایا، اور یہ نغمہ اسی بے بسی کی عکاسی کرتا ہے جو ہم میں سے بہت سے لوگ ان تاریک اوقات میں محسوس کر رہے ہیں۔‘

ادویات کی قیمتوں میں 300 فیصد اضافہ ہو گیا۔موقر قومی اخبار کی رپورٹ کے مطابق مہنگائی سے پریشان عوام پر مزید بوجھ بڑھ گیا، میڈیکل ڈیوائسزپر بھی 70 فیصد ٹیکس عائد کر دیا گیا۔مہنگائی کی شرح کئی سالوں کی کم ترین سطح پر لے آنے کے دعوے کرنے والی حکومت کے ایک اقدام کی وجہ سے ملک میں ادویات کی قیمتوں میں ہوشربا اضافہ ہو گیا۔

نجی ٹی وی کی رپورٹ کے مطابق 80 ہزار سے زائد ادویات 200 فیصد سے زائد مہنگی ہوچکی ہیں، کمپنیوں نے ٹیکسوں کا سارا بوجھ عوام پر منتقل کردیا ہے۔ایک فارما ایڈووکیٹ کا کہنا تھا کہ ادویات کی مہنگائی کے حساب سے 2024ء بدقسمت ترین رہا، پاکستان میں 80 ہزار سے زیادہ ادویات مہنگی ہو گئی ہیں۔