لاہور:(اُردو ایکسپریس ویب ڈیسک) پاکستان کے دارالحکومت اسلام آباد میں ہونے والی ایک تقریب میں معروف مذہبی اسکالر ڈاکٹر ذاکر نائیک اسٹیج چھوڑ کر چلے گئے جس کی ویڈیو سوشل میڈیا پر وائرل ہوگئی۔
رپورٹ کے مطابق واقعہ گزشتہ روز بدھ کو پیش آیا جب ڈاکٹر ذاکر نائیک اسلام آباد میں یتیم بچوں کی ایک غیر سرکاری تنظیم کی جانب سے "پاکستان سویٹ ہوم” میں بچوں کو ایوارڈ سے نوازنے کی تقریب میں مہمان خصوصی مدعو کیا گیا۔
جب تقریب کی انتظامیہ کی جانب سے ڈاکٹر ذاکر نائیک کو یتیم لڑکیوں کو ایوارڈ پیش کرنے کا کہا گیا اور جیسے جیسے لڑکیوں سے اسٹیج بھرتا گیا اسی دوران ڈاکٹر ذاکر نائیک اچانک اسٹیج چھوڑ کر چلے گئے۔
سوشل میڈیا پر بتایا جارہا ہے کہ ڈاکٹر ذاکر نائیک نے لڑکیوں کو شیلڈ دینے سے انکار کرتے ہوئے کہا کہ لڑکیاں نامحرم ہیں اس لیے وہ انہیں شیلڈ پیش نہیں کریں گے۔
یہ بھی پڑھیں: ڈاکٹر ذاکر نائیک کا دورہ پاکستان ، جانئیے کب اور کہاں خطاب کریں گے ؟
واضح رہے کہ ڈاکٹر ذاکر نائیک 30 ستمبر کو تقریباً ایک ماہ کے دورے کیلئے پاکستان آئے ہیں۔
