ملتان(اُردو ایکسپریس ویب ڈیسک) پاکستان کی سب سے بڑی آئل ریفائنری پارکو کو عارضی طور پر بند کر دیا گیا ہے ، ذرائع کے مطابق آئل ریفائنری پارکو کو مین ٹیننس کے حوالے سے 38 روز کیلئے آج سے شٹ ڈاؤن کردیا گیا ہے۔
ذرائع کے مطابق پارکو ریفائنری آج سے 18 نومبر تک بند رہے گی،پارکو آئل ریفائنری کی یومیہ ریفائننگ کیپسٹی تقریباً 120,000 بیرل ہے پارکو بند ہونے کے باعث دیگر ریفائنریز کو اپنی کپیسٹی بڑھانے کی ہدایات جاری کردی گئی ہیں۔
ریفائنری ملکی توانائی کی ضروریات کو پورا کرنے میں اہم کردار ادا کرتی ہے۔ ماہرین کا کہنا ہے کہ ملکی ضروریات کو پورا کرنے کیلئے 26 روزہ اسٹوریج کیپسٹی کو استعمال کیا جائیگا ۔
واضح رہے نجی کمپنی ڈیسکان کو مینٹیننس کا کنٹریکٹ ایوارڈ کیا گیا جبکہ پارکو آئل ریفائنری ملکی ضروریات کا 35-40 فیصد پوراکرتی ہے ۔پارکو ریفائنری کی مینٹیننس کے دوران مکمل جانچ، مرمت اور اپ گریڈیشن کی جائے گی۔
