امتحانات میں نقل کی روک تھام کیلئے نئے انتظامی افسران تعینات کرنے کا فیصلہ

(اُردو ایکسپریس) پنجاب حکومت نے میٹرک اور انٹرمیڈیٹ کے امتحانات میں نقل مافیا کے خاتمے کیلئے بڑا اقدام اٹھا لیا ہے۔حکومت نے فیصلہ کیا ہے کہ پہلے سے موجودہ افسران کو 2025ء میں ہونے والے امتحانات میں تعینات نہیں کیا جائے گا، امتحانات کے انعقاد کیلئے نئے انتظامی افسران تعینات ہونگے۔وزیراعلی ٹاسک فورس کے سیکرٹری نے محکمہ ہائر ایجوکیشن کو مراسلہ جاری کر دیا جس میں کہا گیا ہے کہ سالانہ امتحانات میں نئے سپرنٹنڈنٹ اور ڈپٹی سپرنٹنڈنٹ لگائے جائیں۔مراسلے میں مزید کہا گیا ہے کہ عملے کی دستیابی نہ ہونے کی صورت میں پہلے سے موجود افسران تعینات ہوں گے۔